人生第一個身心靈課

六月我上了人生第一個身心靈課,身心靈課堂跟我以前上的投資、成長、管理等等課堂是大不同,得著更是大不同,身、心、靈都有實際受益,令我意想不到的。

第一次打坐、第一次玩七輪 、第一次感受能量、第一次深探內在的自己,為自己清理,調整自己,課堂中不同的體會,令我得著很大直至現在我都仍然受惠中。

3天的課堂結束後,讓我更加覺得跟拍擋們一齊經營 “媚力盈聚" 是非常值得及開心的事,愈做愈開心、愈做愈起勁,"媚力盈聚" 可以滋養別人又可滋養自已,能夠潤澤他人的生意係非常非常有意義,宇宙會給我地最高利益。

現在的自己輕鬆自在,思維清晰方向肯定,情緒、脾氣 keep 住平和,自己能量頻率大大提升了,有緣的客人不費勁地增多,感恩我能夠遇到一個好課堂。

生日又來了,要送份祝福給自己,就做左棵樹送俾自己,提醒自己是一個開心的人,望住都已經夠自在愉快,宜家同你、睇到我文章的你一齊分享!

講者冇意…聽者冇心…結果中晒…😑

自公司有了 SRT 的服務後,我再沒有搵風水師傅睇流年,因為不再需要了。

2016年初我跟 SRT 閒談流年,傾傾下順便八卦下小狗流年如何… SRT 表示小狗年尾會拍拖,應該係會結婚架喇… 我即時反應: 😥下!! 拖都未拍結咩婚呀~ 拍拖先算喇。

轉告完小狗,我就把此話遺忘了…

2017農曆年後,小狗突然同我講: 姐姐! 我要結婚喇…兩秒後的我… 😲下!! 😵咁快!!!

小狗: 係呀!決定係四月

姐姐: 唔知點解覺得有點晴天霹靂

👆 此對話令我如夢初醒,即時反問 SRT 有冇講過,連 Debbie 自己都話唔記得,但就不斷地 “點頭" … Debbie 的"頭點" 令我慨嘆! 

2016年11月才告知我 – 拍拖喇…😳

2017年農曆初二與我們家族去旅遊…😌

2017年2月就告知我 – 結婚喇…😓

SRT 又再一次給我驚…喜,事情來得太快,我還未適應,但全力支持 😂 💪

我家小狗長大了 🎎 ❤ 幸福快樂喔!

澳門手信有驚喜 😀

香港人去澳門玩是家常便飯的事,間中去hea一兩日都不錯丫,不賭的我?! 係澳門有咩好做呢~ 就係食,除了食,還是食,食食食

如果要食好葡菜,謹記不要再去食小飛象啦~ 嘥錢呀!要食就去食毫不起眼的地道食店,茶餐廳都可以好好味架💞

去手信街買手信…我唔會囉~ 不過就非常樂意去食下零食。。。乜記食下杏仁餅,乜乜記食下豬肉乾,依到食下,果到食下,食到英記居然有驚喜😯 就係 🌸櫻花蝦🍤味炒米餅,咸食的,食落好重蝦味之餘,還有燴魷魚味,真係估佢唔到,得得得。

我即場介紹俾十個朋友食,十個都話好味,所以今次我買了四盒返公司請客人食,客人們你地有口福喇~~😁

小狗親手做給我的早餐 😚

昨晚小狗心情不錯,high high 地,煮了一煲飯,話要整飯團喎🍙,主位當然是整俾佢自己食喇…次位是飯煮多了,所以我就有早餐食囉… 

小狗: 姐姐! 姐姐! 上次我咪見到你有一包飯團配料嘅~ 係邊到呀?

我: 唔知道喎…有咩?

小狗: 有哩~我見過…汪汪汪🐕,搵到喇🐶

今早就係廚房汪汪汪,到我起床時,就見到飯團波波🍙🍙🍙完成喇~ 八個波波我要了兩個,你睇下小狗樣子幾滿足,雖然煮給我係次要目的,但係我依然好感動!😂 

口嗰句,心嗰句一樣係"好味道😋!"

製作難道分係零,材料有日本米兩杯,煲熟攤涼,飯團配料一包,日本麻油適量,雙手混合材料,整合成波形,完成。

屯門的好味道!! (一)

今早訓醒9點幾~睇睇電話,就發現晨咁早 7:30am 已經有 whatsapp 問我係唔係屯門,原來友人想約我食早餐,到我回覆時佢已經食完早餐… 親愛的! 還不了解我嗎?? 我邊有咁早活動呢~  結果我們就相約食lunch,作為屯門友…朋友比我地道得多,所以就帶我去食好野。

屯門湖山路青山漁類批發市場綜合大樓閣樓 ?! 乜屯門有個咁地方咩? 原來估唔到嘅地方就有估唔到嘅餐廳,好味道~ 漁歌點心茶餐廳 ~ 價錢大眾化、大排檔式的食店。

點心選擇唔多,求其點幾樣就算…鳳爪排骨飯、蒜香炸春卷、順德鯪魚球、五香咸水角、蔥花元茜腸 (好新穎喔!),有意思~ 點心即叫即炸,即點即蒸,即點即做,我鍾意。

等左十幾廿分鐘,有得食喇~ 見到碟蔥花元茜腸…相當有份量…食落滑嘟嘟…咬落啖啖元茜味…感覺新鮮好味,蒜香炸春卷、順德鯪魚球、五香咸水角…一望就知剛炸起,鯪魚球夠彈牙,咸水角夠煙靱,春卷夠鬆脆,樣樣野都夠內涵…鳳爪排骨飯有水準,對我來說絕對是驚喜。

此店隱世,外觀平凡,內裡好味,值得再光顧,支持!

冇人介紹…真係唔會嚟~

友人…你上鏡呀 ^v^!

推介~

此房不宜久留…

maxresdefault

話說前幾天我同深圳班老友記飯聚,順便在深圳過晚夜…食完飯吹完水都成十一點幾,才施施然去攞酒店房, 一入房個人感覺已經麻麻地,見到張大床…床墊、被單、枕套都係桃紅色,咁得意從未見過如此新頴喎…由於酒店當日已全店爆滿,感覺麻麻地都冇得換房。

梳洗完準備見周公已淩晨1點多,誰不知我6點就醒,好似無訓過覺咁,全程發左四、五個夢,每發完一個夢就要起身去廁所,個個夢不同夢境但都有同一個意思…有點怪異,6點醒左又訓唔番,約了酒店老總8點食早餐唯有用手機睇套戲先。。。。。。其中一個夢是這樣的,夢裡我在酒店房內熟睡時居然可以透視到酒店職員前來敲我房門檢查我退房未,行徑古怪的酒店職員 -咯咯咯咯咯咯- 敲我房門:『客人你退房未? 客人你在不在?』神經病! 懶得理你繼續訓,酒店職員居然開我房門行入來檢查我在不在,見我躺在床就即閃,大大力『嘭』聲關門就走,我就扎醒了。。。

食完早餐9點多,又開始有點睡意就回房眠多眠,11點多就扎醒,真係人都癲咁都發左兩個夢去了兩次廁所,但真的非常驚訝! 所有夢境的意思居然都係一樣。。。 發了六、七個夢最終都係叫我離開、退房。。。

最後一個夢是這樣的…夢裡我又是在酒店房內熟睡,同樣有人敲我房門,-咯咯咯咯咯咯咯咯咯咯咯咯- 敲了很久,好眼訓的我爬起身去開門,差不多行到門口…門就自動向我邊打開,有4、5個人企係門口,夢中的我驚醒了問: 咩事? 他們望落似係一家人異口同聲跟我說: 夠鐘check out 佢地等緊入酒店房…我就驚醒了…酒店房電話接著響起,前台跟我講兩點退房。。。嘩~有冇咁巧合呢!!!!! 好明顯此房不宜久留,我嘭嘭聲梳洗完就即刻退房。

小狗太浮誇了!

前陣子我頻頻外出公幹、旅行,離家久了自然會掛住屋企人,心血來潮就用whatsapp問下

姐姐:有冇掛住姐姐呀~
小狗:乾腸吋斷
姐姐:真的?!
小狗:寢食難安
小狗:茶飯不思
小狗:瘦左成百磅
姐姐:你得百幾磅,瘦左成百磅…死左架喇喎~
小狗:因為要見姐姐,所以唔俾自己死
姐姐:。。。。。。

當時我已經笑到咔咔聲,哈哈!我好肯定我家小狗一個人在家很快樂。雖然答得太假又浮誇,但假得嚟又令人幾開心。

盈盈月月。Silver Moon

在前兩篇提及過我的朋友 Silver Moon,其實 Silver Moon 並不是我朋友,而是我朋友 Janeizs 的首飾品牌名稱,因為很喜歡盈盈月月的品牌故事,所以在我的文章裡就用了 Silver Moon 來形容 Janeizs。

等我為大家介紹一下喇~

“盈盈月月。Silver Moon"
是 Janeizs LI 女士親手主理的首飾品牌。

Janeizs 於二十年前已經修畢英國 FGA 寶石鑒証課程,對天然寶石非常熱愛,直到現在依然著迷,據傳她家裡的寶石珍藏超過 100kg。

近年s Janeizs 在探索身心靈的奇妙旅程中,學習了擴大療癒法,旅程亦令她有所啟發,醒覺自己應該為世間貢獻更多愛和正能量。

意願萌生就令 Janeizs 有幸遇上多位藏傳佛教的上師為她的寶石給予淨化和加持。再加上擴大療癒法是療癒師與宇宙本源共同創造出療癒能量,療癒師成為了擴大療癒能量,因此 Janeizs 決定親手把她的寶石製作成首飾,讓首飾發放著宇宙的大愛和正能量,也讓喜歡配戴的有緣人能活在光和愛的喜悅中。

IMG_20160806_172546

命中注定我會遇上 SRT ?! (下集)

SRT 差不多完結時,Debbie 突然道出 “其實我倆都可以合作的",這句話作完結真的令我很意外,她說這句話是 Channel 落嚟的,不是出於她自己。不論真假,雪中送炭真的令我感到一絲曙光!

見左 Debbie 之後,回家時突然醒起,係喎!點解我唔搵下我的風水命理師父呢~ 即刻打電話俾師父,話晒都 fd 底丫,師父!師父!救命呀!!我盤生意散晒,點算?過兩日就約見師父。。。和盤托出整個事情,師父答我 “照命數計算,你盤生意應該好好冇問題,一定唔會散,那兩隻小家鬼影響唔到你的"。。。好懷疑地反問師父,核心都冇了生意如何做。。。我纏繞了師父成句鐘,師父好狠的說了一句 “叫你照著辦就照著辦啦,半年內無起色的話,你執左佢"

基本上 Debbie 同師父講嘅野,大致相約,真的令我安心了點點,但我要點辦呢… 左搭右搭穿針引線,真的給我搵到新的核心,噢!真的在兩星期內出現,更重要的是新核心技術比小家鬼的技術還要犀利得多,我表明我計劃後,新核心就一口答應,她現在已經成為我其一的重要拍擋伙伴,OMG~ 真的要講聲 “對不起,請原諒,謝謝你,我愛你。"

稍後我跟 Debbie 的合作亦真的開始了,她現在亦成為我其一的重要拍擋伙伴了,SRT x Super C + Channeling 已經成為公司受歡迎的服務之一。我認識 Debbie 到現在剛剛九個月,我在她眾多的客人裡,是其一光速的實現出她所說的話。

最感恩的是我不單建立了我的核心團隊,我經營之道還得到他們肯定與支持,是一班志同道合的拍擋伙伴。在 SRT 的角度,我們的相遇是注定的,絕不是巧合,也不會是好彩。"對不起,請原諒,謝謝你,我愛你。"

心_logo

命中注定我會遇上 SRT ?! (上集)

續上回偶遇擴大療癒法,在我非常迷惘,生意徘徊崩潰之際,朋友 Silver Moon 推介我去體驗 SRT,其實 SRT 係咩嚟呢?當時我完全唔知道,Silver Moon 只是說很神奇的!

SRT 開始前循例都要自我介紹,Debbie LEE,SRT 靈性反應療法諮詢師、Super C 超意識溝通療癒師,一陣進行 SRT 時會視乎情況需要而加入 Super C,還會攞住這靈擺一同進行的。呀!獨有種天賦本能 channeling 去獲得一啲正確訊息,在無意識的情況下會作出點頭或搖頭來示意,請不用驚訝。

正式開始。。。我吐我的苦水。。。我的心痛。。。我的困局。。。我的迷惘。。。跣我那兩隻小家鬼。。。核心冇咗這盤生意如何經營呢?。。。。。。

Debbie 只手靈擺搖搖搖,咀就自言自語的說著,過去世的業。。。宜家進行清理。。。什麼顏色有利於我。。。我是什麼人。。。我跟兩隻小家鬼前世關係。。。父母對我的愛。。。感情。。。錢。。。等等等等,最後好肯定的告訴我,我盤生意唔會因為這兩隻小家鬼而散,生意會愈做愈好。

下?!核心都冇點做?懂這技術的人好難搵,就算搵到都未必有料到,我也沒頭緒怎樣去尋找有這高超技術的人。Debbie 只手搖搖搖就話,兩星期內應該會遇到新的核心。當真?!我半信半疑,她這句話令我個心好似打了強心針,但仍然懊惱點會話有就有架…

Debbie 又話我的能耐不只這麼小,我盤生意應該能夠幫助更多的人…聽到有人咁贊賞自己,任何人都可能有種莫名的開心,但我真的提不起勁。她道出早點見那兩隻小家鬼真面目早著數,生意會慢慢回正軌,嚟緊會搵到好拍擋。

。。。待續

心_logo

 

p. s. 想了解更多 SRT 請到相關網站探究。